بنكەیەكی تەندروستی بچوك؛ هیوایەكی گەورە
لە كەمپی خازر 24 كاتژمێر دەتوانیت سەردانی پزیشك بكەیت

2017-04-28

فەرمان سادق/ خازر ئەو تاكە بنكە تەندروستییەی بۆ ئاوارەكانی كەمپی خازر كراوەتەوە پێویستی بە دەرمانەو پزیشكەكان داوای هاوكاریی دەكەن، هەرچەندە هیوای زۆرینەی ئاوارەكانەو 24 كاتژمێر كراوەتەوە. بنكەكە لە 15-11ی 2016 كراوەتەوەو تاكە بنكەی تەندروستییە بۆ زیاتر لە چوار كەمپی ئاوارەكانی موسڵ كە ژمارەیان زیاتر لە 70 هەزار كەس دەبێت. سەدام ساڵح، سەرپەرشتیاری كەمپی خازر بە (كەركوك ناو)ی وت "بنكەكە رۆژانە پێشوازی لە نزیكەی 1500 نەخۆش دەكات... پزیشك‌و كارمەندانی بنكەكە ئەوانەن كە پێشووتر لەكاتی هاتنی داعش ئاوارەی هەولێر بوون، ئێستا بەسەر سێ تیم دابەشكراون‌و 24 كاتژمێر لە بنكەكە دەوام هەیە". لەو بنكە تەندروستییەدا پزیشكی نەخۆشی گشتی، نەخۆشییەكانی ژنان، منداڵان، ددان، ئێسك‌و چاو هەیە، هەروەها نەشتەرگەری بچوكیش ئەنجام دەدرێت. هەروەها هەڵمەتی كوتانی منداڵان هەر لەناو كەمپەكەو لەڕێی ئەو بنكە تەندروستییەوە ئەنجامدەدرێت.

دكتۆرە لیقا، پسپۆڕی نەخۆشییەكانی ژنان لەو بنكە تەندروستییە بە (كەركوك ناو)ی وت "ئێستا لەناو كەمپی خازر خزمەتی كەسوكاری خۆمان دەكەین كە ئاوارەبووین، هەروەك چۆن پێشتر لەناو موسڵ خزمەتمان دەكردن". دكتۆرە لیقا، خەڵكی موسڵەو لەدوای هاتنی داعش لەناوەڕاستی ساڵی 2014 ئاوارەی هەولێر بوو. ئەو لەبارەی بنكە تەندروستییەكەی كەمپی ئاوارەكانی خازر وتی "رۆژانە هەر پزیشكێك زیاتر لە 250 نەخۆش دەبینێت... زۆرترین سەردانی نەخۆشەكان بۆ لەوزەتێنە". كەمی دەرمان یەكێكە لەكێشەكان دكتۆرە لیقا، جەخیتكردەوە لەوەی كێشەیان لەكەمی دەرمان هەیە بەتایبەتی "دەرمانی مارو دوپشك‌و پێوەدەرەكانی دیكە".

[caption id="attachment_59121" align="alignleft" width="650"] كەمپی خازر/25-4ی 2017، ئاوارەكان لەسەرەدا وەستاون بۆ ئەوەی بلیتی بینینی پزیشك ببڕن فۆتۆ: فەرمان سادق[/caption]

ئەوكاتەی پەیامنێری (كەركوك ناو)، چووە ناو كەمپی خازر، بنكە تەندروستییەكەی جمەی دەهات لە سەردانیكەران. سەدام ساڵح، سەرپەرشتیاری كەمپەكە وتی "كێشەمان لەدەرماندا زۆر نییە، بەڵام وەك هەر بنكەیەكی دیكە ئێمەش هەندێك جۆری دەرمانمان نییە بەتایبەت دژە پێوەدەرەكان‌و مار". یەكێك لە سەردانیكارەكانی بنكەكە، وتی "بنكەكە خزمەتێكی گەورە بە ئاوارەكان دەكات، كردووە، هێشتا ناتوانێت ئەو هەموو ئاوارەیە لەخۆبگرێت، پێویست دەكات بنكە تەندروستییەكە فراوانتر بكرێت".

ڤیدیۆ:

ڤیدیۆ

محەمەد بە تەکنیکى نوێ سینەماى کۆن نمایش دەکات
محەمەد بە تەکنیکى نوێ سینەماى کۆن نمایش دەکات
5 ساڵ له‌ دوریی‌ و وێرانكاریی
5 ساڵ له‌ دوریی‌ و وێرانكاریی
ھاندانێکی جیاوازی خەڵک بۆ خوێندنەوە
ھاندانێکی جیاوازی خەڵک بۆ خوێندنەوە
  • FB
  • Instagram
  • Twitter
  • YT