پاكستان.. تاڵیبان 132 منداڵی كوشت

December 16, 2014 at 10:05 pm

كەسوكاری قوربانییەكان فۆتۆ- رۆیتەرز

كەسوكاری قوربانییەكان فۆتۆ- رۆیتەرز

كەسوكاری قوربانییەكان فۆتۆ- رۆیتەرز

لە خوێندنگەیەكی شاری پیشاوەری پاكستاندا بزوتنەوەی تالیبان 141 كەسی كوشت كە زۆربەیان خوێندكاربوون.

لێپرسراوانی پاكستان رایانگەیاند لە هێرشەكەی ئەمڕۆی چەكدارانی تاڵیبان بۆ سەر خوێندنگەیەكی شاری پیشاوەری باكوری خۆرئاوای ئەو وڵاتە 141 كەس كوژران كە 132یان منداڵ بوون.

دوای چەند كاتژمێرێك لە شەڕ لەگەڵ هێزە ئەمنییەكادا سوپای پاكستان رایگەیاند بە كوشتنی حەوت چەكداری تالیبان كە خوێندكارەكانی ئەو خوێندنگەیان بە بارمتەگرتبوو كۆتایی بە هێرشەكە هات.

سوپای پاكستان راشیگەیاند زۆربەی قوتابیانی قوتابخانەكە كە ژمارەیان 500 بوو رزگاركراون.

لە لێدوانێكیدا بۆ تۆڕی بی بی سی وتەبێژی چەكدارەكانی تاڵیبان رایگەیاند لە تۆڵەی ئۆپەراسیۆنەكانی سوپا دژ بە چەكدارەكانیان ئەو هێرشەیان كردوەتەسەر ئەو خوێندنگایە.

هاوكات دوای روداوەكە نەواز شەریف سەرۆك وەزیرانی پاكستان سەردانی شاری پیشاوەری كردو بەڵێنیدا تۆڵەی قوربانییەكان بكاتەوە‌و سێ‌ رۆژ ماتەمینیشی لەسەرتاسەری وڵاتدا راگەیاند.

كەركوك ناو

ن.ر

فۆتۆ گه‌له‌ری

چاپکردن چاپکردن