هەڵمەتی خاوێنكردنەوەی شار دەستيپێكرد

March 2, 2015 at 9:29 am

هەڵمەتی پاككردنەوەی شەقامەكان فۆتۆ- راگەیاندنی شارەوانی

هەڵمەتی پاككردنەوەی شەقامەكان فۆتۆ- راگەیاندنی شارەوانی

هەڵمەتی پاككردنەوەی شەقامەكان فۆتۆ- راگەیاندنی شارەوانی

دوێنێ‌ یەكشەممە یەكی ئازار شارەوانی كەركوك بە هەماهەنگی لەگەڵ فەرمانگە خزمەتگوزارییەكان‌و بەبەشداری رێكخراوەكانی كۆمەڵی مەدەنی‌و هاوڵاتیان هەڵمەتی خاوێنكردنەوەی شاری دەستپێكرد.

لە لێدوانێكیدا بۆ (كەركوك ناو) بەڕێوەبەری شارەوانی كەركوك ئەندازیار سەردار عەلی حەسەن رایگەیاند هەڵمەتەكە هەفتەیەك دەخایەنێت‌و تا رۆژی پێنجشەممە بەردەوامدەبێت.

ئاماژەیبەوەشدا كە فەرمانگەكەیان هەڵمەتەكەی سازكردووەو فەرمانگەكانی ئاو‌و ئاوەڕۆ‌و كشتوكاڵ‌و سەرچاوەكانی ئاو بەشدارییان تێداكردووە.

رونیشیكردەوە لە هەڵمەتەكەدا خۆڵ‌و خاشاكی گەڕەكەكان‌و دەروازەكانی شارلادەبرێن‌و هاوكات شەقاەكان دەشۆردرێن‌و نەمامیش لە شۆستەكاندا دەڕوێنرێت، هەروەها شارەوانی ژمارەیەكی زۆر لە كیسەی خۆڵیان بەسەر خوێندنگەكان‌و هاوڵاتیاندا دابەشكردووە بۆئەوەی خاشاك‌و پاشماوەی تێداكۆبكەنەوە‌و شارەوانیش دوای كۆكردنەوەیان لەناویاندەبات.

بەڕێوەبەری شارەوانی كەركوك داواشی لە هاوڵاتیان كرد بۆ سەرخستنی هەڵمەتەكەو پاك راگرتنی شارەكە هاوكاری تیمەكانیان بكەن.

لایخۆشیەوە هاوڵاتیی محەمەد حسێن رایگەیاند شاری كەركوك پێویستی بەو جۆرە هەڵمەتە هەیە، هیواشیخواست هۆشیاری هەبێت‌و هەمووان لە پاك ڕاگرتنی شارەكەدا هاوكاری بكەن.

سەید ئازاد- كەركوك ناو

أ.م- ن.ر

فۆتۆ گه‌له‌ری

چاپکردن چاپکردن
سه‌ره‌تا هه‌واڵ راپۆرت فۆتۆ به‌دواداچونی رۆژنامه‌وانی خزمەتگوزاری