بەوێنە: چاندنی هەزاران نەمام لە باشیك

March 19, 2017 at 9:29 pm

باشیك، 17ی ئازاری 2017، گەنجانی خۆبەخش شارەكەیان سەوز دەكەنەوە فۆتۆ: كەركوك ناو

كەركوك
لە ناحیەی باشیك-ی سنوری موسڵ، دوو هەزار‌و 500 نەمامی جۆراوجۆری هەمیشە سەوز لەنێویاندا زەیتون چێنرا، ئەوەش لە چوارچێوەی هەڵمەتێكدا كە ژمارەیەك گەنج سەرپەرشتی دەكەن.

ئەو هەڵمەتە لەلایەن ژمارەیەك گەنجی خۆبەخشی باشیك‌و بەحزانیەوە بەناوی “باخی زەیتوون” رێكخراوە‌و هەفتەی رابردووش، هەزار نەمامیان چاند.

فادی حەمادی، بەرپرسی هەڵمەتەكە بە (كەركوك ناو)ی وت ئاماژەی بەوەدا كە سەرەتای كارەكانیان بە لابردنی دروشمەكانی داعش دەستیپێكردووە‌و چاندنی نەمامەكانیش، بۆ دووبارە سەوزكردنەوە‌و گەرانەوەی ژیانە بۆ ناوچەكان، بەوپێیەی رێكخراوەكە پێشتر هەموو هەزاران دار زەیتونی سوتاندووە.

باشیك بەدوری 12 كم دەكەوێتە رۆژهەڵاتی موسڵ، ناوەڕاستی 2014 كەوتە دەستی داعش‌و مانگەكانی كۆتایی ساڵی رابردوو كۆنتڕۆڵكرایەوە.

 

فۆتۆ گه‌له‌ری

چاپکردن چاپکردن
سه‌ره‌تا هه‌واڵ راپۆرت فۆتۆ به‌دواداچونی رۆژنامه‌وانی خزمەتگوزاری