مكیاژ‌و فێڵی سینەما
بە وێنە: هونەر‌و دەستڕەنگینی كچێكی كەركوكی

July 29, 2017 at 5:23 pm

سێدرا، بە مكیاژی سنەمایی وانیشاندەدات ئەو كوڕە، بەهۆی رووداوێكەوە دەموچاوی بە سەختی برینداربووە

كاروان ساڵحی
كچێكی خەڵكی شاری كەركوك، حەزی زۆری بۆ فیلم بەرەو دنیایەكی جیاواز لە خوێندنەكەی بردووە‌و بۆتە كەسێكی بەهرەمەند لە مكیاژ‌و فێڵی سینەمایی، دەیەوێت بە هاوكاریكردنی زیاتریش پەرە بەو توانایەی بدات.

سێدرا كەنعان ئەحمەد (22 ساڵ)، پێكهاتەی توركمانی شاری كەركوكە‌و خوێندكاری كۆلێژی ئەندازیارییە لە زانكۆی موسڵ، بەڵام ئەوەندە سەیری فیلمی سنەمایی‌و ئەكشنی كردووە، خولیای بوارێكی زۆر جیاواز بووە.

“ئاشنابووم لەگەڵ ئەوەی چۆن كاری مكیاژی سینەمایی یان فێڵی سینەمایی دەكرێت، وردەوردە خۆم راهێنا‌و ماوەی ساڵێكە بەتەوای راهاتووم” سێدرا بۆ (كەركوك ناو) وای وت.

ئەو كەرەستانەی سێدرا بەكاریدەهێنێت، ئاسایین‌و هەرزانن، وەكو رەنگی ئاوی‌و رەنگی ناو خواردن، تائێستا بە كەرەستە‌و پێویستی تایبەت بەو هونەرە كاری نەكردووە.

سێدرا ئومێدی زۆری بە كارەكەی هەیە‌و داوای هاوكاری دەكات، تا زیاتر پەرە بە تواناكانی بدات، بەڵام تائێستا هیچ لایەنێكی هونەری‌و ئەكادیمی كاری لەگەڵدا نەكردووە.

ئەو كچە دەڵێت “ئەندامانی خێزانەكەم هەمویان هاوكارمن”، نیازی هەیە هاوڵاتیانی دیكەش بەو بوارە ئاشنا بكات.

فۆتۆ گه‌له‌ری

چاپکردن چاپکردن
سه‌ره‌تا هه‌واڵ راپۆرت فۆتۆ به‌دواداچونی رۆژنامه‌وانی خزمەتگوزاری