لەخه‌ڵكه‌وه

ماڵێك بۆتە پیشانگەیەكی هەمیشەیی

  • 2021-04-06
ماڵێك بۆتە پیشانگەیەكی هەمیشەیی
بورهان عەبدولڕەحمان (74ساڵ)، ژێرزەمینی ماڵەكەی كردۆتە پیشانگەیەكی كەلەپوری
كەركوك ناو

من بورهان عەبدولڕەحمان (74ساڵ)، ژێرزەمینی ماڵەكەم لە گەڕەكی ئیمام قاسم لە كەركوك، كردۆتە شوێنی كۆكردنەوەی بابەتی كەلەپوری كوردیی و ناوم ناوە پیشانگەی كەلەپوری كوردەواریی.

پیشانگەكە مێژوی زیاد لە 200 ساڵی خانەوادەکەمە، دایك و باوكم پارێزگارییان لێكردووە و منیش زیاد لە 50 ساڵە دەیانپارێزم.

کەلوپەلەکان زۆرن وەک وێنەی کۆنی کەسایەتییەکانی کورد، بەشێك لە پارێزگارەكانی کەرکوک، كەلوپەلی كۆن و كەلەپوری تر وەك خەنجەر، پارە، کتێب و کاتژمێر، هەروەها کەلوپەلی لە مس دروستکرا وەک سینی، قازان و کەوچک. لەگەڵ چەند جۆرێکی چەکی کۆن و جلوبەرگ و راخەری نەخشێنراو...

كاتێك كە بێكار دەبم، دێمە ئەم ژێرزەمینە و بە كەلوپەلەكانەوە سەرقاڵدەبم، پاکیان دەکەمەوە.

لە سەردەمی رژێمی بەعسدا ناچاربوم بەشێکی ئەو کەلوپەلانە لە باخچەی حەوشەکەماندا بشارمەوە و پارێزگاریی لێبكەم و نەیەڵم بیبەن، بەڵام بەداخەوە پێش ئازادكردنی کەرکوک لە ساڵی 2003، کۆمەڵێك کەلوپەلم لەناوبرد ئەوەش لە ترسی ئەوەی نەمانگرن.

ئێرە بۆ من جوانترین و گرنگترین شوێنە، داواکارم لەدوای خۆم. كوڕەكانم پارێزگاری لەم مێژووەی بنەماڵەکەمان و كەلەپوری كوردی بكەن.

زیاتر

  • FB
  • Instagram
  • Twitter
  • YT