لەخه‌ڵكه‌وه

نیسان حەنا: خۆشترین پیشەم هەیە

  • 2021-10-28
نیسان حەنا: خۆشترین پیشەم هەیە
شێخان/ 2021/ وەستا نیسان حەنا 27 ساڵە سەرقاڵی پیسەی چاككردنەوەی تەباخی ماڵانە فۆتۆ: عەمار عەزیز
عەمار عەزیز - شێخان

بەلای منەوە چاككردنی تەباخی ماڵان خۆشترین پیشە؛ ئێستا من ناوێكی جێی متمانەم لەو پیشەیەدا و هەر تەباخێكم چاككردبێتەوە بە دەگمەن جارێكیتر پێویستی بە وەستا هەیە.

ناوم نیسان حەنا ئورو، (73 ساڵ)ـم، لە كریستیانەكانی قەزای شێخان-ــم و وا دەگاتە 27 ساڵ كە سەرقاڵی پیشەی چاككردنەوەی تەباخ دەكەم و تا لە ژیانیشدا بمێنم وازی لێناهێنم.

من تا سێی ناوەندیم خوێندووە و بەكۆمەڵێك هۆكار كاتی خۆی نەمتوانی بەردەوامبم، بۆیە لە قەرەبوی خوێندنەكەمدا ئەو پیشەم هەڵبژارد و ئێستا سەرچاوەی بژێوی خێزانەكەمە، كە خێزانێكی گەورەن، چونكە باوكی شەش منداڵم.

رۆژانە لە كاتژمێر 7ـی بەیانییەوە دەچمە دوكان و گەڕانەوەم لەسەر كاركردنم وەستاوە، ئەگەر تەباخێكم لەبەردەستدا بێت تا چاكی نەكەمەوە ناگەڕێمەوە بۆ ماڵ.

پیشەكە وەك جاران نەماوە؛ روو لە كزییە، بە تایبەت لەدوای سەرهەڵدانی كۆرۆناوە خەڵكێكی زۆر بێكار و بێ پارە بون، بۆیە لە بەرانبەر چاككردنەوەی هەر تەباخێكیشدا پێنج تا 10 هەزار دینار وەردەگرم، هەندێكجاریش زیاتر، بەڵام بەجۆرێك چاكی دەكەمەوە، خراپبونەوەی نییە.

زیاتر

  • FB
  • Instagram
  • Twitter
  • YT