لەخه‌ڵكه‌وه

سالم بە ئاگر و تەختە وێنە دەكێشێت

  • 2022-04-11
سالم بە ئاگر و تەختە وێنە دەكێشێت
نەینەوا/ تەلەعفەر/ نیسانی 2022/ هونەرمەند سالم محەمەد ئەمین لەكاتی نمایشكردنی یەكێك لە كارەكانیدا فۆتۆ: كەركوك ناو
كەركوك ناو - نەینەوا

ناوم سالم محەمەد ئەمین-ـە، هونەرمەندی شێوەكار و رێبەری گەشتیاریم، لە قەزای تەلەعفەری پارێزگای نەینەوا دەژیم.

لە منداڵییەوە بەهرەی وێنەكێشانم هەبوو، دوای ئەوەی لە ساڵی 2014ـدا ئاوارەی توركیا بوین بەهۆی هێرشەكانی "دەوڵەتی ئیسلامی لە عیراق و شام - داعش"، پەرەم بە تواناكانم دا و روم لە هونەری (ئاگر لەسەر تەختە –جۆرێكە لە بەرهەمهێنانی هونەری و وێنەكێشان لەڕێی سوتاندنی روكاری تەختەوە) كرد، لە پەیمانگایەكی هونەری راهێنانم دەستپێكرد.

ئێستا زیاتر لە 350 كاری هونەریم هەیە، هەمویان بە ئاگر لەسەر تەختە یان بە وێنەكێشان بە بزمار و تەلی كارەبا بەرهەمهێنراون، لەگەڵ دروستكردنی نەخش لەسەر شوشە.

لە كارەكانمدا گرنگی بە شوێنەوارەكانی وەك قەڵای تەلەعفەر و منارەی حەدبا و شارە مێژوییەكانی بابل و حەزەر دەدەم.

نزیكەی 400 بڕوانامەم لە لایەنە جیاوازەكانەوە بەدەستهێناوە، لەڕێی بەشداریكردنم لە پێشەنگاكانی ناوخۆ و دەرەوەی عیراق، لە ژمارەیەك یەكێتی و كۆمەڵەی هونەریشدا ئەندامم.

داوا لە گەنجان دەكەم؛ گرنگی بە هونەری شێوەكاری بدەن و لە هەوڵی پەرەپێدانی توانا و بەهرەكانیاندا بن.

زیاتر

  • FB
  • Instagram
  • Twitter
  • YT