كامیل ساڵەیی: پارێزگار هەشت ئۆتۆمبێلی گولەنەبڕی هەیە

December 2, 2014 at 12:30 pm

كامیل ساڵەیی، قایمقامی قەزای ناوەندی پارێزگای كەركوك

كامیل ساڵەیی، قایمقامی قەزای ناوەندی پارێزگای كەركوك

كامیل ساڵەیی، قایمقامی قەزای ناوەندی پارێزگای كەركوك

كامیل ساڵەیی، قایمقامی قەزای ناوەندی كەركوك، جارێكی تر رەخنەكانی روبەڕوی نەجمەدین كەریم پارێزگاری كەركوك دەكاتەوەو دەڵێت گرفتی ئیداریی لەگەڵ عەقڵی پارێزگار هەیە، “لەكاتێكدا ئۆتۆمبێلە گولەنەبڕەكەی لێوەرگرتمەوە، خۆی هەشت دانەی هەیە.”

ئەو رەخنانەی كامیل ساڵەیی، لەچاوپێكەوتنێكیدا دێت لەگەڵ رۆژنامەی هاوڵاتی، كە دوشەممە 12/1 بڵاوبۆتەوە.

ئەو ئاشكرایدەكات كە لەدوای دەركەوتنی داعشەوە 65 هەزار ئاوارەی عەرەب هاتونەتە شارەكە‌و پێنج هەزاریان بەنایاسایی نیشتەجێبون، ئەوەش بە “بۆمبێكی چێندراو” ناودەبات‌ بۆ ئایندەی شارەكەو دەڵێت داوایان لەنەجمەدین كەریم پارێزگاری كەركوك كردوە هاتنی ئەو ئاوارانە رابگرێت بەڵام راینەگرتوە.

وتیشی “ئێمە ماوەی ساڵێك زیاترە دەسەڵاتەكانمان بەرەو كەمبونەوە چوە، بۆ نمونە ئۆتۆمبێلی لیژنەی بەدواداچون پارێزگار لێی وەرگرتینەوە‌و لەنێو گۆڕەپانی بینای پارێزگا وەستێنراوە، بەڵام لیژنەكە كاری نەوەستاوە‌و بەئۆتۆمبێلی خۆیان كارەكانیان بەردەوامە، هەروەها لەهیچ كۆبونەوەیەكی ئیداریی‌و ئەمنی بەشداریمان پێناكرێت، بۆیە ئێمە گرفتی ئیداریمان لەگەڵ عەقڵی پارێزگاری كەركوك هەیە نەوەكو كێشەمان لەگەڵ یەكێتی هەبێت.”

لەبارەی لێسەندنەوەی ئەو ئۆتۆمبێلە گولەنەبڕەی كە مۆدیلی 2003 بوە لەلایەن دادگاو دوای تۆماركردنی سكاڵا لەلایەن پارێزگارەوە، وتی “داوەرەكان نیگەرانن بون لەوەی ئێمەیان بۆ ئۆتۆمبێلێكی مۆدێل 2003 بانگهێشتی دادگا كردبوو، لەكاتێكدا نەجمەدین كەریم پارێزگاری كەركوك هەشت ئۆتۆمبێلی گوللەنەبڕی هەیە.”

ساڵەیی ئاماژە بەوەدەدات كە مۆری قایمقامیەت تەزویركراوەو بۆ رێپێدان بەهاتنە ناوەوەی ئاوارە عەرەبەكان بەكارهێنراوە، دەڵێت “پارێزگار بەبێ گەڕانەوە بۆ قایمقامیەت مۆرێكی دروستكردوە بۆ بەشی كاروباری هاوڵاتیان لەنێو بینای پارێزگا لەكاتێكدا ئەوە ئیشی ئەوان نیە”.

كەركوك ناو
ش.خ

هه‌واڵی دیكه‌..

فۆتۆ گه‌له‌ری

چاپکردن چاپکردن