پێكه‌وه‌ له‌ كۆرۆنا ده‌به‌ینه‌وه‌

گەرمیان/ ئابی 2020/ تیمی رێكخراوی وادی لەكاتی هەڵواسینی پۆستەر بۆ خۆپارێزیی لە ڤایرۆسی كۆرۆنا فۆتۆ: وادی

كه‌ركوك ناو

رێكخراوی وادی، بەهاوكاری هاوبەشەكانی له‌ نێویاندا وێبسایتی (كه‌ركوك ناو)، له‌ سه‌ره‌تای بڵاوبونه‌وه‌ی په‌تای كۆرۆناوه‌ هه‌ڵمه‌تێكی هۆشیارییان ده‌ستپێكردووه‌، به‌ ئامانجی هاندانی هاوڵاتیان بۆ خۆپارێزی.

 

ده‌قی به‌یاننامه‌ی وادی له‌سه‌ر هه‌ڵمه‌ته‌كه‌:

 بابەتەكە بەهەند وەربگرە و ڕوبەڕوی كۆرۆنا بەرەوە

رێكخراوی وادی (WADI) بەهاوكاری هاوبەشەكانی كە بریتین لە (ADWI، KirkukNow، NWE،WOLA  و Jinda ) هەڵمەتێكی لەمانگەكانی سەرەتای بڵاوبونەوەی پەتاكە دەستپێكردووە.

دیدی ئێمە بەشداریپێكردنی هاوبەشە پەیوەندیدارەكان بووە لە روبەڕوبونەوەی كۆڤید-19 لەڕێی هەڵگرتنی بەرپەرسیارێتی بەدەر لەكاری لایەنە پەیوەندیدارەكان.

ئەركی ئێمە كۆنتڕۆڵكردنی پەتاكە بووە لەهەرێمی كوردستانی عیراق، بەئامانجی كەمكردنەوەی رێژەی توشبوون و مردن لەڕێی پابەندبوون بەرێنماییەكانی دەسەڵاتە ناوخۆیی و نێودەوڵەتیەكانی كەرتی تەندروستی، وەزارەتی تەندروستی و رێكخراوی تەندروستی جیهانی لە وشیاركردنەوەی هاوڵاتیاندا.

لەو بڕوایەداین دەكرێت ئەم پەتایە كۆنتڕۆڵبكرێت و ژیانی ئاسایی بگەڕێنرێتەوە، ئەگەر هەمووان هەستیان بە بەرپرسیارێتی كرد سەبارەت بە بەكارهێنانی ماسك، دوركەوتنەوەی كۆمەڵایەتی، دووركەوتنەوە لە تێكەڵبون و قەرەباڵغی، دەستشتن بە بەردەوامی،... هتد.

تۆش بانگهێشتكراویت بۆ بەشداریكردن لەم هەڵمەتە، هەركەسە و بەپێی توانای خۆی.

پێكەوە لە كۆرۆنا دەبەینەوە

  • FB
  • Instagram
  • Twitter
  • YT