ناوم محه‌مه‌د ئه‌یاد-ـه، ته‌مه‌نم 24 ساڵه، له منداڵییه‌وه خولیای وێنه‌كێشان و دیزاینم هه‌یه، به‌ڵام له‌دوای له‌ده‌ستدانی باوك و برایه‌كه‌م له ئۆپه‌راسیۆنی كۆنتڕۆڵكردنه‌وه‌ی موسڵ په‌ره‌م به خولیاكانم دا.
سه‌رباری ئه‌وه‌ی پسپۆڕی زانستیم له پزیشكی و پشكنینی نه‌خۆشیدایه، به‌ڵام من عاشقی وێنه‌كێشان و هونه‌رم.
سه‌ره‌تا به قه‌ڵه‌می ره‌ساس وێنه‌م ده‌كێشا، دواتر گۆڕیم به ره‌نگه‌كانی دیكه له‌وانه بۆیه‌ی زه‌یتی و ده‌ره‌نجامێكی باشیشی هه‌بوو.
من له هونه‌ره‌كه‌مدا رێگه‌ی نوێ و سه‌یرم گرته‌به‌ر، وه‌ك به‌كارهێنانی ته‌خته له دیزانی تابلۆكاندا.
به‌ڵام وێنه‌كێشان به پێڵاوی وه‌رزشی ده‌نگدانه‌وه‌ی زۆری به‌دوای خۆیدا هێنا چونكه رێگه‌یه‌كه پێشتر به‌كارنه‌هێنراوه.
ئامۆژگاری من بۆ گه‌نجان ئه‌وه‌یه؛ رێگه‌ی نوێ و به‌كارنه‌هێنراو له كار و خولیاكانیاندا بگرنه‌به‌ر تا ئه‌نجامی بێ وێنه به‌ده‌ستبهێنن.
