من نینوس سابت میخائیل (23ساڵ)م، لە ناحیەی قەرەقوشم دادەنیشم، بڕوانامەى بەکالۆریۆسم لە كۆلێژی هونەر لە زانكۆی موسڵ بەدەستهێناوە.
لە رێگاى كاری هونەرییەوە دەمەوێت هەموو ئەو شتانەی چەکدارانی داعش لەناویان بردووە و وێرانیان کردووە دروستبکمەوە، لەوانە شوێنە مێژویی و سونبولەكانمان.
لە ساڵى 2021دا دوو پەیکەرم دروستکردووە، بۆ دوو ناوداری ئێزیدییەكان كە لەژێر دەستی داعشدا بون بە قوربانی، ئەوانیش پەیكەری دایە گولێ و شێخ خەیرى موراد.
دایە گولێ بەچەكەكەی روبەڕی داعش بۆوە و لە شەڕدا كوژرا، شێخ خەیریش ناو ئێزیدیەكان وەكو جەنگاوەری شەڕی داعش ناودەبرێت.
ئیلهامم لە باوكەوە وەرگرتووە، باوكم سابت میخائیل، پەیکەرتاشێکى بەناوبانگ لەقەرەقوش و دەشتى نەینەوا، زۆرینەى ئەو پەیکەرانەى داعش وێرانى کردبوو باوکم دوبارە نۆژەنیكردەوە. ئەو بۆ من خوێندنگەیەكی نمونەییە لە كارە هونەرییەكانم.
برا ئێزیدییەکان زۆر متمانەیان بە من هەیە و بەکارەکانم سەرسامن، لەکاتى دروستکردنى ئەو دوو پەیکەرەدا هەموو توانایەکانى خۆم بەکارهێنا و هەریەكە و دوو مانگی خەیاند.
