ناوم یاسین سەعد (41 ساڵم)، زیاتر لە 30 ساڵە سەروكارم لەگەڵ خوێ-ـدایە، خوێ دەكەینە كیسە و لە بازاڕەكاندا دەیفرۆشین.
لە پارێزگای سەماوە و فاوەوە خوێ-ـمان بۆ دێت، ئەو خوێ-ـیەی رەوانە دەكرێت پاك و ئامادەكراوە، ئێمە لە كارگەیەكی تایبەتدا دەیكەینە كیسە.
كیسەیەكی سێ كیلۆیی خوێ بە 500 دینار و ئەگەر بە كۆ بیفرۆشین نرخەكەی هەرزانتر دەكەوێت.
دیارترین كێشەی من لەم كارەدا ئەوەیە؛ پیشەكی قورسە بەڵام ئەو كرێیەی وەریدەگرم كەمە، سەرباری ئەوەش لەسەر پیشەكە راهاتوم و ناتوانم لە ماڵەوە دابنیشم.
ئەم پیشەیەی ئێمە بەپێی وەرزەكان دەگۆڕێت، لە زستاندا بەهۆی شێ، كێشی خوێ زیاد دەكات و زەحمەتترە بۆ كردنە كیسە و باركردنی بۆ ناو ئۆتۆمبێل، لە هاوینیشدا كێشی سوكترە، بەڵام من هەر حەزم بە كاركردنە لە زستاندا، چونكە پلەی گەرما نزمە و لە قورسی كاركردن كەمدەكاتەوە.
زۆرینەی كڕیارانی ئێمە و ئەوانەی خوێ داوا دەكەن كارگەكانی وەك دروستكردنی ترشیات و سەهۆڵ و فڕنەكانی چەرەساتن.
