ناوم ئەمیر عیماد وەیس (19 ساڵ)-ـم، خەڵكی قەزای تەلەعفەری پارێزگای نەینەوام، بە رێكەوت زانیم بەهرەی وێنەكێشانم هەیە و لەكارەكانمدا قەڵەمی دار و خەڵوز بەكاردەهێنم.
لە تابلۆكانمدا تیشكدەخەمە سەر هێما نیشتمانییەكان، بە تایبەت ئەوانەی بە رۆح و گیانیان قوربانییان بۆ نیشتمان دا لەگەڵ ئەو كەسایەتییە كۆمەڵایەتییەكانەی كاریگەرییان لە كۆمەڵگەدا هەبووە، وەك: سەفا سەرای، سەمیر سەبیح، یاسر جورانی و عەبدلوەهاب ساعدی.
من لە پۆلی شەشی ئامادەییم، هەوڵدەدەم لە نێوان گرنگیدان بە خوێندن و بەهرەكەمدا هاوسەنگی رابگرم.
هەندێكجار كاغەزی وێنەكێشانم نییە و ناچارم لەسەر كاغەزی خەتدار وێنەبكێشم یان لە هاوڕێ و دەوروبەرم داوای هاوكاری و پاڵپشتی دەكەم.
بەداخەوە هیچ لایەنێك نییە لە تەلەعفەر پاڵپشتی هونەر بكات، لەكاتێكدا گەنجی زۆری بەهرەدار هەن و دەتوانن بگەنە ئاستێكی پێشكەوتوو، ئەگەر دەستیانبگرن و سەرپەرشتییان بكرێت.
هیوادارم بایەخ بە پەروەردەی هونەری لە خوێندنگەكاندا بدرێت و وەزارەتی پەروەردە رۆڵی ۆركشۆپ و راهێنانی وێنەكێشان كارابكاتەوە، چونكە وێنەكێشان پەیامی ئاشتی و خۆشەویستییە و لەو ڕێگەیەوە دەتوانین هەست و خۆشەویستیمان بۆ كەسانی دیكە و نیشتمان دەرببڕین.
