وتەبێژی پۆلیسی كەركوك وازی لە حزبەكەی هێنا
"لێپرسراوانی یەكێتی لە كێشەكانی بەردەمم پشتگیرییان نەكردم"

عەمید ئەفراسیاو كامیل، وتەبێژی پۆلیسی كەركوك،

كەركوك ناو

عەمید ئەفراسیاو كامیل، وتەبێژی پۆلیسی كەركوك، دەستبەرداربونی خۆی لە یەكێتیی نیشتیمانیی كوردستان راگەیاند و هۆكارەكەی بۆ پشتگیرینەكردن و بێ بەڵێن بونی لێپرسراوانی ئەو حزبە گەڕاندەوە.

ئەفراسیاو كامیل، لە نوسینێكیدا لە ئەكاونتی تایبەتی خۆی لە تۆڕی كۆمەڵایەتی فەیسبوك، كە ئاراستەی هەموو خزم، کەسوكار و هاوڕێیەكانی كردووە، نوسیویەتی "دوای ۳٤ ساڵ خەبات له ریزەکانی یەكێتیی نیشتیمانیی کوردستان، چ وەک رێکخستن، یان وەكو پێشمەرگە و برینداربون، هەروەها وەکو کوڕی شەهیدێکی فەرماندەی باڵی مەكتەبی سیاسی سنوری كەركوك و گەرمیان (كامل مەلا وەیسی)، دوای روبەڕوبونەوەی چەندین كێشەو گرفت و دروستبونی چەندین لاپەڕەی لێكۆڵینەوە و پشتگیرینەكردنم لەلایەن لێپرسراوانی یەكێتیی، بڕیاری وازهێنانمدا".

لەگەڵئەوەشدا دەڵێت "دوای دووساڵ له هاتن بۆ ماڵمان و بەڵێن پێدانم لەلایەن ئەندامانی مەكتەبی سیاسی سنوری كەركوك و بێ بەڵێنیان ئەم بڕیارەمداوە".

ئەفراسیاو كە چەندین ساڵە لەسەر پشكی یەكێتی لەو پۆستەدایە، دەڵێت "لەمەودوا دەرگام داخراوە بەڕوی هەموو بەرپرسێك و تەنیا لە خزمەتی هاوڵاتیاندا دەبم".

  • FB
  • Instagram
  • Twitter
  • YT