دامەزراوەی میدیایی دیپلۆماتیك لە 21ی شوباتی 2025 بڵاویكردەوە كە پاڵپشتی دارایی رێكخراو و دامەزراوە میدیاییەكانی هەرێمی كوردستان هەڵوەشاونەتەوە، كە لەژێر ناوی جێندەر و یەكسانی و كەمینەكان و هاورەگەزخوازی هاوكارییان لە ئاژانس و رێكخراوە ئەمریكییەكان وەرگرتووە.
(كەركوك ناو) لەگەڵ سێ رێكخراوی كۆمەڵی مەدەنی و دامەزراوەی میدیایدا لە هەرێمی كوردستان قسەی كرد، كە لەلایەن رێكخراوە ئەمریكی و ئاژانسەكانی ئەو وڵاتانەوە پاڵشپتی دارایی دەكرێن، هەمویان رەتیانكردەوە پاڵپشتییە داراییەكەیان هەڵوەشابێتەوە، لەگەڵئەوەشدا رەتیانكردەوە هیچ كام لە پاڵپشتییەكیان بۆ پرسی جێندەر و هاوڕەگەخوازی بێت، هەروەها لەژێر ناوی جێندەریشدا كارناكەن.
فەرمان رەشاد، بەڕێوەبەری رێكخراوی ستۆپ، رێكخراوەكەیان لە بواری چاودێریی و پەرەپێداندا كاردەكات، پڕۆژەیەكیان بە پاڵپشتی سندوقی نیشتیمانیی ئەمریكی بۆ دیموكراسی جێبەجێ دەكرد، وتی "كارەكەی ئێمە چاودێری كارنامەی حكومەت و بەڵێنەكانیانە لە پرسی چاكسازیی، شەش مانگ جارێك راپۆرت لەسەر ئەو پرسە ئامادەكەین، پاڵپشتییەكە نە لەژێر ناوی جێندەر و هاوڕەگەزخوازییە، نە پەیوەندی بەو پرسەوە هەیە".
وتیشی "پاڵپشتییەكە هەڵنەوەشاوەتەوە، بەڵكو پێیانوتوین ئیدارەی نوێی ئەمریكا لەماوەی 90 رۆژدا پێداچونەوەی پێدا دەكات".
وتیشی "هەموو ئەو رێكخراوانەی لە هەرێمی كوردستان كاردەكەن، راپۆرتی ساڵانەیان لە فەرمانگەی رێكخراوە ناحكومییەكان هەیە و بەوردی رونكراوەتەوە ئەو پارانەی وەرگیراون لە چی و چۆن خەرجكراون و بەكارهێنراون".
ماڵپەڕی پەرەگراف یەكێكی ترە لەو دامەزراوانەی پاڵپشتی دارایی لە سندوقی نیشتمانی ئەمەریكی بۆ دیموكراسی وەردەگرێت، لەماڵپەڕەكەدا رونكراوەتەوە كە بۆ پڕۆژەکە بۆ روماڵی هەواڵی رۆژانە و ڕاپۆرت و بنکۆڵکارییە. بەهیچ شێوەیەك باسی پرسی جێندەر ناكات.
ماڵپەڕەكە لە 13ی شوباتی 2024 بەرودی مەبەستی پاڵپشتییە داراییەكە و بڕی پارەكەی رونكردۆتەوە:
دامەزراوەی درەومیدیا، كە پاڵپشتی دارایی لە سندوقی نیشتمانی ئەمریكا بۆ دیموكراستی وەردەگرن، لە ماڵپەڕەكەیدا بەوردی هاتووە كە پاڵپشتی دارایی بە بڕی 60 هەزار دۆلار بە بۆ دوو ساڵ وەردەگرێت، ئەوەش بۆ گەشەپێدانی ماڵپەڕەكەی بە هەرسێ زمانی (كوردی، عەرەبی، ئینگلیزی) و بۆ ئامادەكردنی راپۆرتی بنكۆڵكاری لەبارەی چاودێریكردنی كەرتی نەوت لە هەرێمی كوردستان، ئەوەش بە ئاراستەی شەفافیەت.
